TIRANË, 21 nëntor/ATSH/ Atmosfera festive ka filluar në sheshe e rrugë të ndryshme në kryeqendrën e veriut, Shkodër. Dritat e shumëllojshme, dekori festiv, muzika dhe zërat gazmorë të fëmijëve mbushin plot ngjyra Shkodrën në prag të dhjetorit.
Godina e bashkisë, me arkitekturë të veçantë e tërheqëse dhe pemët e shëtitores para saj, janë veshur me drita dhe ngjyra që krijojnë një atmosferë të gëzueshme.
Kryeministri Edi Rama ndau këtë mbrëmje pamje nga atmosfera festive në Shkodër.
“Shkodra ditë pas dite plot atmosferë për festat që vijnë plot surpriza për qytetin”, u shpreh Rama.
/r.e/
