TIRANË, 4 nëntor /ATSH/ Komisioni Evropian ka vlerësuar nivelin e përafrimit të legjislacionit shqiptar me atë të Bashkimit Evropian në fushën e politikës monetare, duke evidentuar progresin në garantimin e pavarësisë së Bankës së Shqipërisë.
Në Raportin e Progresit për Shqipërinë, Komisioni Evropian konstaton se vendi ka arritur një nivel të lartë përafrimi me legjislacionin e BE-së, veçanërisht për sa i përket ndalimit të aksesit të privilegjuar të sektorit publik në institucionet financiare.
Raporti nënvizon gjithashtu se kuadri ligjor shqiptar është në përputhje me standardet e BE-së për pavarësinë e bankës qendrore dhe ndalimin e financimit monetar të sektorit publik.
Një ndër zhvillimet e përmendura në raport është edhe miratimi, në tetor të vitit 2026, i ligjit të ri për Bankën e Shqipërisë. Ky ndryshim ligjor konsiderohet pjesë e procesit të përafrimit të kuadrit institucional dhe rregullator shqiptar me standardet evropiane.
/m.q/j.p/
