ROMË, 21 dhjetor /ATSH-DPA/ – Dyzet e tetë anëtarë të një organizate kryesore të trafikimit të drogës, që kontrabandonin kokainë nga Amerika e Jugut në Itali dhe Spanjë janë arrestuar, bëri të ditur policia doganore e Italisë.
”Tridhjetë e një arrestime u kryen nga policia italiane dhe spanjolle përfshirë peruanë, kolumbianë, argjentinas, spanjollë dhe italianë”, tha Guardia di Finanza në një deklaratë.
”Ndërkohë, 17 të tjerë u kapën nga policia argjentinase”, shtoi ajo.
Organizata përdorte anije konteniere për të kontrabanduar kokainë në Europë.
Autoritetet gjithashtu sekuestruan pasuri me vlerë më shumë se një milion euro (1,14 milionë dollarë)./ /os/ a.jor.
