TIRANË, 19 tetor/ATSH/ Minatorë dhe pensionistë protestuan sot përpara Kuvendit.
Minatorët dhe pensionistët kërkuan që Kuvendi të miratojë statusin e minatorit nga njëra anë, si dhe të vendosë për rritjen e masës së pensioneve. Protesta nisi rreth orës 9:30 minuta kur po mblidheshin deputetët për nisjen e seancës plenare.
Deputeti i opozitës Oerd Bylykbashi, iu afrua protestuesve për t’i garantuar mbështetjen e opozitës, por minatorët dhe protestuesit kërkuan largimin e tij, pasi nuk donin përfshirje të politikanëve në nismën e tyre.
Gjatë protestës nuk kanë munguar edhe përplasjet me Policinë, kur pensionistët dhe minatorët kanë tentuar t’i afrohen oborrit të Kuvendit të Shqipërisë.
/r.e/
