NJU-JORK, 12 gusht /ATSH-DPA/ – Prania e virusit të poliomelitit është zbuluar në kanalizimet e qytetit të Nju-Jorkut, konfirmoi sot Departamenti i Shëndetësisë së shtetit të Nju-Jorkut, një zbulim shqetësues në kampionët e ujërave të zeza, vetëm tre javë pasi një rast u konstatua në kontenë e Rocklandit.
Rasti i poliomelitit në Rockland është i pari që zbulohet pas thuajse një dekade në Shtetet e Bashkuara të Amerikës. Megjithatë, mbërritja e virusit paralizues në Nju-Jork sugjeron shpërndarjen e tij tashmë në komunitet.
“Për çdo rast të zbuluar të sëmundjes paralizuese të polimelitit, qindra të tjerë mund të kalojnë pa u identifikuar”, sqaroi përmes një deklarate komisionerja shtetërore e shëndetësisë Mary Bassett.
“Zbulimi i pranisë së virusit polio në kampionët e ujërave të zeza në Nju-Jork është alarmues, por jo i befasishëm”, deklaroi ajo.
Komsioneri shëndetësisë së qytetit të Nju-Jorkut, doktor Ashëin Vasan u bëri thirrje nju-jorkezëve që të reagojnë lidhur me këtë zbulim duke marrë vaksinën tashmë ekzistuese kundër poliomelitit.
/u.sh/
