UASHINGTON, 24 janar /ATSH-DPA/ – SHBA-ja është gati të dërgojë 20 milionë dollarë ndihma humanitare për të ndihmuar popullin e Venezuelës, deklaroi sot sekretari amerikan i Shtetit, Mike Pompeo ndërkohë që u bënte thirrje gjithnjë e më shumë shteteve që të mos njohin Nicolas Maduro si president.
SHBA-ja ka njohur opozitarin, Juan Guaido, si presidentin e përkohshëm dhe shumë shtete të tjera, shumica në Amerikë, kanë ndjekur të njëjtin shembull.
Pompeo i kërkoi forcave venezuelase të sigurisë që të mbrojnë Guaidon dhe paralajmëroi mbështetësit e regjimit kundër sulmimit të protestuesve opozitarë.
Pompeo i bëri këto deklarata në selinë e Organizatës së Shteteve të Amerikës më Uashington, duke i “kërkuar anëtarëve të këtij grupimi që të mbështesë Guaidon dhe tranzicionin demokratik dhe të paqtë”. /G.S/
