TIRANË, 4 dhjetor/ATSH/ – Qendra Shqiptare për Integrimin e personave me nevoja të veçanta prezantoi projektin për edukimin, fuqizimin dhe punësimin e të rinjve.
Përfaqësues të institucioneve publike në nivel vendor dhe organizatave të shoqërisë civile, që ushtrojnë aktivitetin në qarkun e Elbasanit u bënë bashkë në këtë takim.
Shërbimi Social Shtetëror ka bërë të ditur se projekti financohet dhe mbështetet nga GIZ Albania, programi për mbështetje ekonomike dhe zhvillim rajonal, promovim i punësimit edukim profesional dhe trajnime (Giz ProSEED).
Projekti synon të ndihmojë profesionistët e rinj të rriten profesionalisht dhe t’i përgatisë ata për tregun e punës. Po kështu, të ndihmojë të rinjtë me nevoja të veçanta të venë në pah aftësitë dhe talentet e tyre dhe krijimin e një platforme sociale, ku dy grupet e të rinjve do të ndërveprojnë me njëri-tjetrin.
z.tosku/j.p/
