UASHINGTON, 4 dhjetor /ATSH-DPA/ – Krerët e tre prodhuesve më të mëdhenj gjermanë të automjeteve pritet të vizitojnë sot Shtëpinë e Bardhë ndërkohë që rriten shqetësimet në lidhje tarifa doganore ndaj makinave gjermane.
Krerët e “Daimler”, “Volkswagen” dhe BMW janë ftuar që të bisedojnë për situatën tregtare, sipas burimesh pranë kësaj dosje.
Nuk janë planifikuar negociata dhe presidenti amerikan, Donald Trump nuk do të jetë i pranishëm, por krerët e prodhuesve të automjeteve duan të përdorin këtë mundësi për të theksuar rëndësinë e sektorit gjerman të automjeteve për industrinë amerikane.
Trump ka kërcënuar se do të vendosë tarifa deri në 25% për automjetet e importuara nga Europa. /G.S/
