TIRANË, 26 shtator/ATSH/ Shqipëria ka mbështetur fuqimisht axhendën “Gratë, Paqja dhe Siguria”, duke dënuar diskriminimin me bazë gjinore në Afganistan, së bashku me 25 kombe të tjera, gjatë Asamblesë së Përgjithshme të 79-të të Kombeve të Bashkuara “Samiti i së Ardhmes”.
Gjatë takimit me Grupin Feminist për Politikë të Jashtme, ministri për Evropën dhe Punët e Jashtme, Igli Hasani shprehu angazhimin e Shqipërisë për integrimin e parimeve feministe në politikën e jashtme.
Hasani theksoi se “barazia gjinore nuk është vetëm një qëllim, por është thelbësore për paqen globale, sigurinë dhe të drejtat e njeriut”.
/m.m/r.e/a.f/
