TIRANË, 10 shkurt/ATSH/ Drejtoria e Përgjithshme Detare njoftoi sot se si rezultat i përkeqësimit të kushteve meteorologjike kanë ndryshuar oraret e nisjeve të disa trageteve drejt Italisë dhe anasjelltas.
DPD njofton se tragetet e linjës Durrës-Bari-Durrës dhe anasjelltas do të nisen nga portet respektive nesër date 11.02.2024 ora 06:00.
Trageti Ankona-Durrës operon normalisht dhe pritet të mbërrijë në Durrës nesër rreth orës 10:00.
Trageti i linjës Vlorë-Brindisi-Vlorë do të niset nga porti Vlorë nesër datë 11.02.2024 ora 14:00.
Tragetet e linjës Sarandë-Korfuz-Sarandë do të operojnë normalisht.
Drejtoria e Përgjithshme Detare u kërkoi agjensive respektive të marrin masa për njoftimin e pasagjerëve.
