TIRANË, 10 janar /ATSH/ Identifikimi, vlerësimi dhe asgjësimi i municioneve të rrezikshme janë procese të rëndësishme për të garantuar sigurinë publike dhe parandaluar aksidente të mundshme, u shpreh sot ministri i Mbrojtjes, Niko Peleshi.
Peleshi nënvizoi se, puna e vazhdueshme e specialistëve të EOD për garantimin e kësaj sigurie në të gjithë territorin e vendit tonë është e një rëndësie të veçantë.
Përgjegjësia për krijimin e zonave të pastra nga municionet e rrezikshme është përparësi për efektivët EOD dhe Forcat e Armatosura, theksoi Peleshi, në një postim në rrjetet sociale.
