ANKARA – Marrëdhëniet BE-Turqi në qendër të takimit Von der Leyen-Erdogan

ANKARA, 6 prill /ATSH-ANSA/ – Kryetarët e Komisionit dhe të Këshillit të Bashkimit Europian, Ursula von der Leyen e Charles Michel do të vizitojnë sot Turqinë për t’u takuar me presidentin turk, Recep Tajip Erdogan.

Misioni vjen me qëllim të ringjalljes së marrëdhënieve të luhatshme midis Brukselit dhe Ankarasë, pas luhatjeve të fundit të qeverisë turke mbi demokracinë dhe të drejtat e njeriut.

Në qendër të bisedimeve në Ankara, parashikuar sot pasdite, do të ketë disa çështje strategjike, që nga migracioni deri te mosmarrëveshjet gjeopolitike rajonale mbi Mesdheun Lindor, Sirinë dhe Libinë.

Qeveria e Erdoganit ka kërkuar burime shtesë nga BE-ja për të vazhduar ndihmën ndaj 3,6 milionë refugjatëve, pas gjashtë miliardëve euro të akorduar vitet e fundit nga BE-ja.

Nga ana e tij, duket se Brukseli është i gatshëm të përqendrohet në bashkëpunimin e zhvillimit duke parë perspektivat e dobëta të një kthimi të afërt në atdhe të refugjatëve./ /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.