TIRANË, 20 tetor/ATSH/ Drejtoria e Pёrgjithshme e Tatimeve dhe Byroja Kombёtare e Hetimit nënshkruan sot marrëveshjen pёr shkёmbimin e informacionit në kuadër tё luftёs kundёr krimit tё organizuar dhe korrupsionit.
Marrëveshja u nënshkrua nga drejtorja e DPT, Delina Ibrahimaj dhe ajo e BKH-së, Aida Veizaj.
Marrёveshja synon forcimin e bashkëpunimit në luftë kundër krimit të organizuar dhe korrupsionit, goditjen e veprimtarisë kriminale dhe vënien para drejtësisë të autorëve të tyre.
Në marrëveshje po ashtu përcaktohet procedura dhe rregullat e bashkëpunimit midis dy institucioneve në mënyrë që të sigurohet realizimi i aksesit, komunikimit, shkëmbimit të të dhënave dhe kryerjes së analizave me qëllim rritjen e efikasitetit dhe bashkërendimit ndërmjet institucioneve për forcimin e luftës kundër krimit të organizuar dhe korrupsionit.
/a.gjonaj/j.p/r.e/
