TIRANË, 28 dhjetor/ATSH-A. Fortuzi/- Kryebashkiaku i Dibrës, Dionis Imeraj dhe stafi i Bashkisë së Dibrës kanë shpërndarë dhuratat me rastin e festave të fundvitit për fëmijët jetim në Dibër.
Kryebashkiaku Imeraj, duke shpërndarë dhuratat ka zbuluar dhe një letër që fëmijët jetim i kishin dërguar “Babagjyshit”
“Një letër për ‘Babagjyshin’ nga fëmijët jetimë në Dibër, ndaj të cilës ne nuk mund të rrinim indiferentë…”-, tha Imeraj
Letra e plotë:
“I dashur Babagjysh!
Jam e sigurt që ne të gjithë fëmijët dibranë e dimë se jeni shumë të zënë në Polin e Veriut, por besoj se keni pak kohë të mjaftueshme për të lexuar letrën tonë.
Elfët janë duke ndërtuar lodra dhe duke shkruar kartolina të reja.
Retë çdo ditë praktikojnë ngritjen dhe uljet e tyre për të na sjellë borën, miken tonë të përhershme.
Me kostumin tënd tradicional dhe pranë oxhakut je duke lexuar letrat e djemve dhe vajzave nga e gjithë bota.
Duket se ju e keni bërë atë në listën e bukur këtë vit.
E në këto ditë festash, ti, Babagjysh je njeriu më i dashur për të gjithë!
Dikush kërkon një makinë, dikush një kukull, një arush, një top, një libër, një kompjuter, kostumin e kombëtares, një tjetër do që t’i sjellësh një slitë me drerë si e juaja!….
Dëshirat janë të pafundme, ashtu si fantazia.
Unë shoh që ju keni kërkuar për ne, por të siguroj që kemi punuar shumë për të arritur rezultate të larta në mësime, fitues të konkurseve dhe olimpiadave, aktivistë të fushatave të ndërgjegjësimit për mjedisin, dhunën në familje, kancerin e gjirit, fëmijëve me aftësi ndryshe dhe për familjet e prekura nga tërmeti i 26 nëntorit.
Ne kemi bërë një punë të shkëlqyer dhe do të bëjmë maksimumin që prindërit tanë të jenë shumë krenar për ne.
I dashur Babagjysh!
Thonë se nuk ka Santa Claus.
Unë besoj në ju, por kam nevojë për provë.
E di që lista e fëmijëve që kanë bërë gabime është bosh, por lista e fëmijëve që janë sjellë shumë mirë është plot.
Eja dhe shpërndaj dhuratat për të gjithë fëmijët dibranë në këtë ndërrim vitesh….”
