TIRANË, 4 dhjetor/ATSH/ Ish-deputeti i Partisë Demokratike Ervin Salianji ka depozituar rekurs në Gjykatën e Lartë, për të kundërshtuar vendimet e Gjykatës së Shkallës së Parë të Tiranës dhe asaj të Apelit të Juridiksionit të përgjithshëm, të cilat vendosën dënimin e tij me 1 vit burg për akuzën e “Kallëzimit të Rremë”.
Ish-deputeti i PD Ervin Salianji arrestua më 27 shtator 2024 një ditë pasi trupa gjykuese e gjykatës së Apelit, la në fuqi vendimin e Gjykatës së Tiranës të 18 dhjetorit 2019 e cila shpallte fajtor Salianjin për “kallëzim të rremë”, lidhur me për audiopërgjimin e dosjes Babale dhe e kishte dënuar me 1 vit burg. Në audio përgjim pretendohej se vëllai i ish ministrit të Brendshëm Fatmir Xhafaj, ishte përfshirë në një episod trafiku droge
Salianji në rekursin e tij ka kundërshtuar vendimin e Gjykatës së Apelit (26 shtator 2024) që e dënoi me një vit burg.
Salianji u akuzua për përfshirje aktive në publikimin e pretendimeve të rreme, duke dëmtuar reputacionin e personave të përfshirë. Vendimi i Apelit erdhi pas një procesi të gjatë gjyqësor.
Salianji po vuan momentalisht dënimin në burgun e Fierit, ndërsa akuzat ndaj tij i ka quajtur politike, prandaj edhe kërkon lirinë.
/a.f/r.e/
