TIRANË, 15 gusht/ATSH/ Investimet në rrugë mbeten një prioritet i rëndësishëm i bashkisë së Fierit, e cila ka shtrirë ndërhyrjet jo vetëm në rrugët brenda qytetit, por edhe në ato rurale.
Sipas kryetarit të bashkisë Fier, Armando Subashi “aktualisht po punohet në rrugën Levan – Pishporo, për riparimin e pjesëve të dëmtuara”.
“Me Ndërmarrjen e Punëve Publike vazhdojmë të përmirësojmë infrastrukturën rrugore në të gjitha njësitë administrative”, u shpreh ai.
Rikonstruksioni i kësaj rruge do të përmirësojë ndjeshëm jetën e banorëve, si dhe do të ofrojë standarde më cilësore urbane për komunitetin.
Investimet publike për një infrastrukturë të standardizuar dhe cilësi më të mirë jetese për banorët e Fierit kanë vijuar pa ndërprerje edhe gjatë stinës së verës.
/m.m/r.e/
