TIRANË, 2 maj/ATSH/ Aktori dhe producenti i njohur amerikan, Danny Glover, ka vizituar një ditë më parë muzeun “Gjergj Kastrioti Skënderbeu” në Krujë.
Lajmi bëhet i ditur nga Muzeu Historik dhe Etnografik i Krujës, që ka publikuar në rrjetet sociale foto dhe video nga vizita e producentit të njohur amerikan në këtë muze.
Glover pasi ka vizituar muzeun ka parë edhe filmin “Skënderbeu”, i cili transmetohet në muze.
Bëhet me dije se vizita e Glover vjen pas ftesës që bashkia Tiranë i ka dërguar atij për të mësuar më shumë mbi heroin tonë kombëtar Gjergj Kastriot Skënderbeun dhe historinë e Shqipërisë.
/r.e/
