TIRANË, 18 janar /ATSH/ Inspektorati Shtetëror i Mbrojtjes së Territorit (IKMT) informoi sot se po vijon me prishjen e objekteve pengesë për realizimin e projektit për interes publik të segmentit rrugor “Unaza e madhe e Tiranës nga Sheshi Shqiponja- Bulevardi i Ri Tiranë, Shkozë”.
Sipas IKMT-së, gjatë ditës së sotme po vijohet me segmentin në zonën e Paskuqanit, bashkia Kamzë.
Ndërkohë sipas IKMT-së, poseduesit e objekteve janë përfitues sipas formave të shpërblimit apo trajtimit sipas dispozitave ligjore.
Projekti i Unazës së Madhe të Tiranës është një investim ambicioz që i jep zgjidhje fluksit të qarkullimit dhe ndikon në zhvillimin ekonomik dhe social të gjithë zonës ku kalon.
Unaza e Madhe e kryeqytetit përbën një segment prej 27 kilometrash të gjatë. Përfundimi i saj në vitin 2023 lehtëson trafikun brenda Tiranës, ndërsa e lidh kryeqytetin me të gjitha rrugët dalëse kombëtare.
