TIRANË, 5 dhjetor /ATSH/ Kryetarja e KOKOE, Albana Vokshi, anëtarët Ervin Minarolli, Keltis Kruja dhe Fatbardha Kadiu, shpallën sot fituesit e Primareve në PD për 30 bashki të tjera.
Vokshi u shpreh se, “në vijim të gjithë njoftimeve dhe të informacioneve që kemi dhënë, edhe dje, por edhe sot përgjatë ditës, po japim fituesit për bashkitë e mbetura”.
Për Bashkinë Kurbin fitues i garës së Primareve është Behar Haxhiu me 74% të votave.
Për Bashkinë Lezhë fitues është Pashk Gjoni me 52% të votave.
Për Bashkinë Klos është Bedri Hoxha me 59% të votave.
Për Bashkinë Durrës fitues është Igli Cara me 82% të votave.
Për Bashkinë Shijak fitues është Rezart Tusha me 74% të votave.
Për Bashkinë Bulqize Dëfrim Fiku me 61% të votave.
Për Bashkinë Tropojë fitues është Besnik Dushaj me 69% të votave.
Për Bashkinë Has është Miftar Dauti me 63% të votave.
Për Bashkinë Elbasan është fitues Luçiano Boçi për të cilin kanë votuar 99% e votuesve.
Për Bashkinë Cërrik fitues është Servet Duzha me 70% të votave.
Për Bashkinë Kukës është konfirmuar Admir Sinamati me 98% të votave.
Në Bashkinë Kavajë fitues është Fisnik Qosja me 51% të votave.
Për Bashkinë Kamëz fitues është Arjan Hoxha me 62% të votave.
Për Bashkinë Devoll fitues është Ervis Hajdërrli me 87% të votave.
Për Bashkinë Korçë fituese është Ledina Alolli me 56% të votave.
Për Bashkinë Kolonjë është konfirmuar Et’hem Lumani me 100% të votave.
Për Bashkinë Kuçovë konfirmuar Lefter Maliqi me 96% të votave.
Për Poliçanin Behar Xhaferraj gjithashtu i konfirmuar me 99%.
Në Lushnje, Eduart Sharka ka fituar me 90% të votave.
Në Bashkinë Përmet konfirmohet Edmond Komino me 95% të votave.
Në Tepelenë fiton Baftjar Imeri me 60% të votave.
Në Gjirokastër fiton Dorjan Lani me 78% të votave.
Në Këlcyrë fiton Arjan Kasaj me 81% të votave.
Në Vlorë fiton Hysni Sharra me 53% të votave.
Në Bashkinë Konispol fiton Fatmir Shero me 77% të votave.
Për Bashkinë Delvinë fiton Ilir Mehmeti me 53% të votave.
Në Mallakastër Resmi Shanaj me 74% të votave.
Në Roskovec Erdit Hazizaj ka fituar me 60% të votave.
Në Divjakë Aurel Malko ka fituar me 64% të votave.
Në Libohovë Adil Xhelili konfirmohet me 99%
“Ne i kemi shpallur edhe fituesit për 17 bashki të tjera. Ka qenë Eno Bozdo i cili nëpërmjet një prononcimi për shtyp ka shpallur fituesit për 17 bashki, dhe për 9 bashki të tjera sikurse edhe ju kemi informuar, ka kaluar gara në balotazh. Gara do të zhvillohet të dielën në datën 11 dhjetor”, tha ajo.
