TIRANË, 7 tetor/ATSH/ Ministrja për Evropën dhe Punët e Jashtme, Olta Xhaçka priti sot në një takim, zëvendëspresidentin e Komisionit Evropian për Promovimin e Modelit Evropian të Jetesës, Margaritis Schina.
Xhaçka garantoi zv.presidentin Schina për përkushtimin e Shqipërisë për të punuar në të gjitha fushat, përfshirë sigurinë dhe migracionin.
“Bisedë e shkëlqyer sot në Tiranë me zv. presidentin e Komisionit Evropian për Promovimin e Modelit Evropian të Jetesës, Margaritis Schinas. Shpreha mirënjohjen tonë për mbështetjen e Komisionit Evropian në rrugën e anëtarësimit të Shqipërisë në BE. E garantova zv.presidentin për përkushtimin e Shqipërisë për të punuar së bashku në të gjitha fushat përfshirë sigurinë dhe migracionin”, u shpreh ajo në rrjetet sociale.
/j.p/r.e/
