TIRANË, 24 mars /ATSH/ Presidenti Ilir Meta u takua sot me kryetarin e Republikanëve të Rinj të SHBA, Rick Loughery, i cili i dorëzoi me propozim të kongresmenit Ron Estes, flamurin amerikan shoqërues valëvitës mbi Kapitol.
“Më njohën me nismën për forcimin e bashkëpunimit të “Republikanëve” të rinj me FRPD, një kontribut i çmuar për marrëdhëniet e gjithanshme midis dy vendeve tona dhe i lumtur të dëgjoja nga z. Loughery se do të rikthehen së shpejti në Tiranë për projekte të reja bashkëpunimi”, tha Meta.
“Një brez i ri politikanësh dinamikë dhe bartës të vlerave më të mira të demokracisë amerikane, janë një garanci më shumë dhe afatgjatë për forcimin e mëtejshëm të marrëdhënieve të shkëlqyera midis Shqipërisë dhe Shteteve të Bashkuara”, u shpreh Meta.
“Përfshirja më e gjerë dhe aktive e të rinjve në politikë, domosdoshmëri për ndryshime të shpejta dhe premtuese”, theksoi Meta.
/r.e/
