TIRANË, 10 dhjetor/ATSH/ Pavarësisht kushteve të vështira të motit, në Portin e Durrësit ka vijuar përpunimi i mallrave.
Sipas të dhënave të publikuara nga Autoriteti Portual i Durrësit gjatë ditës së sotme janë përpunuar 540 tonë mallra dhe 270 njësi kontejnerike janë në proces përpunimi nga 4 anijet e akostuara në terminalet portuale.
Ndërkohë, APD informon se 3 anije ndodhen aktualisht në radën portuale në pritje për t’u përpunuar në orët në vijim, ndërsa 6 anije priten të mbërrijnë përgjatë fundjavës.
/r.e/
