Rama takim me George Soros: Mbështetës i palëkundur i Shoqërisë së Hapur

TIRANË, 23 shtator/ATSH/ Kryeministri Edi Rama zhvilloi sot një takim në Nju-Jork me filantropin George Soros.

Kryeministri publikoi një foto nga ky takim, ndërsa e cilësoi Sorosin një mbështetës të palëkundur të Shoqërisë së Hapur.

“Në Nju-Jork me mikun e çmuar George Soros, një mendje e rrallë dhe një mbështetës i palëkundur i Shoqërisë së Hapur”, tha Rama.

Kryeministri Edi Rama, i shoqëruar edhe nga ministrja për Evropën dhe Punët e Jashtme, Olta Xhaçka dhe ministri i Mbrojtjes, Niko Peleshi, ndodhet në SHBA për të marrë pjesë në javën e Nivelit të Lartë të Sesionit të 76-të të Asamblesë së Përgjithshme të OKB.

/a.a/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.