MADRID, 6 gusht /ATSH-DPA/ – Lionel Messi dhe Barcelona po shkojnë drejt rrugëve të tyre të ndara dhe tronditja nga njoftimi u duk edhe në faqet e para të gazetave sportive të vendit iberik.
Golashënuesi rekord në historinë e La Liga, i cili ka bërë më shumë paraqitje për Barcelonën se çdo lojtar tjetër në historinë e klubit, me sa duket tani është në kërkim të një ekipi të ri.
Sipas Barcelonës, ata dhe Mesi donin të rinovonin kontratën e sulmuesit argjentinas, por kufizimet e kufirit të pagës me sa duket i kanë penguar ta bëjnë këtë.
Në përpjekje për të qenë në përputhje me rregulloret financiare të fair-play, Barcelonës iu la pak mundësi, përveç lirimit të kapitenit.
Gazetat sportive që kanë përshkruar bëmat marramendëse të Mesit me gjigantët katalanas shprehën habinë dhe tronditjen e tyre për këtë gjë.
”Marca”, e përditshmja sportive me qendër në Madrid, në artikullin me titull “Barça e la Mesin të ikte”, shkruan se ”ekipi humbi lojtarin më të madh në historinë e tij”.
“Sensacionale! Mesi po largohet!” ishte titulli i ”Mundo Deportivo”, që shton se Paris Saint-Germain ishte në pararojë të çdo beteje për të siguruar shërbimet e 34-vjeçarit.
Fotografia e saj në faqen e parë përshkruan Mesin në fushën e ”Camp Nou”, me sa duket i gatshëm për të gjuajtur një goditje dënimi për Blaugrana, e cila është një pamje që mund të mos shihet kurrë më.
”AS” publikoi një fotografi të Mesit në faqen e parë, duke parë kamerën, me titullin “Ai nuk po qëndron”.
Faqja e parë shton se “Barça njofton se Mesi nuk do të rinovojë dhe fajëson La Ligën.”
Njoftimi i Barcelonës të enjten në mbrëmje foli për “pengesa financiare dhe strukturore” që parandalojnë klubin dhe lojtarin të zgjerojnë partneritetin e tyre.
Mesi bëri debutimin e tij në ekipin e parë në moshën 17 vjeç dhe ka fituar gjashtë trofe të Topit të Artë ndërsa ishte në klub, duke ndihmuar Barcelonën të fitojë 10 tituj në La Liga dhe Ligën e Kampionëve katër herë.
Titulli i ”Sport”-it ishte thjesht “Dramë! Messi po largohet” dhe u botua me një sfond të zymtë të zi dhe një goditje të një Mesi të menduar.
”El Periodico de Catalunya” u zgjodh gjithashtu për një sfond kryesisht të zi dhe titullin e “E pabesueshme”.
Gazeta shton në faqen e saj të parë se “Barça çuditërisht njofton se Mesi po shkon dhe fajëson La Ligën për largimin e tij”.
Një gazetë tjetër katalanase, ”ARA” shkruan se “Barça nuk mund të rinovojë me Mesin”.
Gazeta shton se “klubi fajëson La Ligën për mos nënshkrimin e kontratës”./ a.jor.
