TIRANË, 23 prill/ATSH/ Kryeministri Edi Rama falënderoi sot qytetarët e Durrësit dhe Vlorës për pritjen gjatë ditës së sotme në dy takimet e mbylljes së fushatës elektorale.
Kreu i qeverisë publikoi një video nga dy takimet elektorale, në të cilat simpatizantët e Partisë Socialiste, krijuan një atmosferë të jashtëzakonshme.
“Shumë faleminderit Durrësi Super, Shumë faleminderit Vlora Flakë”, shprehet Rama.
Në dy takimet e mbylljes së fushatës së PS simpatizantët ishin të shumtë ku gjithashtu ajo që shihet në videon e publikuar nga kryeministri në këto dy takime të fundit si nga nisja e kësaj fushate dhe në mbyllje u ruajtën masat antikovid.
