TIRANË, 5 tetor /ATSH/ Në seancën e sotme plenare të Kuvendit u votua edhe krijimi i Komisionit të ri Qendror të Zgjedhjeve.
Deputetët e Kuvendit zgjodhën Ilirjan Celibashin në postin e Komisionerit Shtetëror të Zgjedhjeve me 106 vota pro, ndërsa 5 vota mori kandidati tjetër Ardian Myslymaj.
Lealba Pelingu u zgjodh Nënkomisioner Shtetëror i Zgjedhjeve me 105 vota pro, ndërsa 5 vota mori kandidati tjetër Agron Haxhimali.
Kuvendi zgjodhi edhe anëtarët e Komisionit Rregullator të Zgjedhjeve, Ilirjana Nano, Dritan Çaka, Arens Çela, Muharrem Çakaj dhe Helga Vukaj me 107 vota pro, 4 kundër dhe 4 abstenim.
Si anëtarë të Komisionit të Ankimimeve dhe Sanksioneve u zgjodhën Ilirjan Rusmali, Elvin Lako, Koli Bele, Elvis Çefa, Ledio Braho me 105 vota pro, 5 kundër dhe 3 abstenime.
/j.p//r.e/
