SOFT NEWS – Kryeministren nuk e tremb as… tërmeti!

Tërmeti ndodhi pak para orës lokale 08:00, në një thellësi prej 52 kilometrash në brigjet pranë qytetit të Levinit që ndodhet rreth 90 kilometra në veri të Wellingtonit.

Sipas shërbimit për Mbikëqyrjen Sizmike “GeoNet”, ka pasur edhe 40 paslëkundje.

Forcat e shpëtimit dhe policia nuk kanë dhënë informacione për viktima dhe dëme materiale.

Tërmeti u ndje deri në Wellington, ku kryeministrja po pyetej drejtpërdrejt në një emision mëngjesi, nga një ndërtesë parlamenti e krijuar për të absorbuar forcat sizmike duke u lëkundur në themelet e saj.

“Ne po ndjejmë një tërmet këtu”, theksoi ajo për prezantuesen e emisionit, që zhvillohej në  Auckland, më në veri të ishullit, duke parë menjëherë rreth saj.

Më pas, e buzëqeshur, ajo u sigurua dhe vazhdoi intervistën.

Arkipelagu ndodhet në limitin e pllakave tektonike të Australisë dhe Paqësorit, zonë që bën pjesë në “Rripin e zjarrit” të Paqësorit, ku regjistrohen deri në 15 000 tërmete çdo vit./ /ec/ a.jor.