UELLINGON, 14 prill /ATSH-DPA/ – Zelanda e Re raportoi sot numrin më të lartë të viktimave ditore nga COVID-19, ku u regjistruan katër viktima.
Drejtori i Përgjithshëm i Shëndetit, Ashley Bloomfield deklaroi në një konferencë për shtyp se vdekjet e reja e kishin çuar në nëntë numrin e përgjithshëm të viktimave në Zelandën e Re.
“Është një kujtesë e kthjellët e asaj që po rrezikojmë”, shtoi ai.
Tre nga katër viktimat e reja ishin të lidhura me një institucion të kujdesit për të moshuarit në qytetin Christchurch, ndërsa i katërti ndodhej në një spital në Uellingon.
Gjashtë nga viktimat e përgjithshme në Zelandën e Re ishin nga insititucioni i kujdesit për të moshuarit në Christchurch.
Bloomfield theksoi se u regjistruan 17 raste të reja me koronavirus, duke e çuar në 1 366 numrin e përgjithshëm të rasteve të infektuara. / /sara/
