UASHINGTON, 15 janar /ATSH-AFP/- Kina është zotuar të blejë 200 miliardë dollarë mallra shtesë amerikanë gjatë dy viteve të ardhshme, sipas tekstit të marrëveshjes tregtare të nënshkruar sot nga presidenti amerikan Donald Trump dhe zëvendëskryeministri kinez, Liu He.
Këto blerje, të cilat bazohen në nivelet e importit kinez të vitit 2017, para shpërthimit të luftës tregtare, përfshijnë 77,7 miliardë dollarë blerje shtesë nga sektori i prodhimit, 52,4 miliardë dollarë nga sektori i energjisë, 37,9 miliardë shërbime dhe 32 miliardë produkte bujqësorë, shkruhet në tekst.
Blerjet duhet të ulin deficitin tregtar amerikan./ /ervo/
