VARSHAVË, 28 tetor /ATSH-DPA/ Agjencia e kundërspiunazhit polak “ABW” arrestoi një person të dyshuar për spiunazh.
Zyra e Prokurorit të Përgjithshëm akuzoi personin e identifikuar si Piotr S, se punon për një shërbim të huaj të inteligjencës dhe për mbajtje pa leje të armëve të zjarrit.
Sipas transmetuesit publik polak “TVP Info”, personi i akuzuar kishte punuar për agjencinë e spiunazhit të Rusisë.
Autoritetet kontrolluan apartamentin dhe vendin e tij të punës, si dhe konfiskuan një armë zjarri, municione, dokumente dhe pajisje elektronike për ruajtjen e të dhënave.
U kontrolluan gjithashtu dhe personat të cilët kanë qenë në kontakt me Piotr S dhe u gjet një armë tjetër dhe municione.
Gjykatësi përgjegjës urdhëroi një periudhë tremujore paraburgim për të dyshuarin. / /sara/r.e/
