TIRANË, 25 tetor/ATSH/ Ministrja e Ekonomisë dhe Financave, Anila Denaj zhvilloi të premten një takim me ministrin e Punëve të Jashtme dhe Tregtisë të Hungarisë, Péter Szijjártó, i cili po zhvillon një vizitë zyrtare në vendin tonë.
Sipas Denaj, gjatë takimit u diskutua mbi mundësinë e intensifikimit të bashkëpunimit mes dy vendeve në planin ekonomik përmes tërheqjes së investimeve hungareze.
Sektorë strategjik me interes për investitorët hungarezë u veçuan energjia alternative, agroindustria dhe turizmi.
“Hungaria vlerëson reformat e ndërmarra nga qeveria shqiptare dhe ofron mbështetjen e vazhdueshme të saj në proceset integruese dhe reformuese të vendit”, deklaroi ministrja Denaj.
/a.gjonaj/ /a.g/
