TIRANË, 14 shtator/ATSH/- Bashkia Durrës po vazhdon aksionin për largimin e kioskave të cilat ndodheshin pranë shkollave të qytetit dhe atyre në fshatrat përreth.
Kryebashkiakja e Durrësit Valbona Sako, u shpreh se janë “70 kioska në total që do të largohen, pranë shkollave të qytetit dhe atyre të fshatit. Aksioni do të vazhdojë i pandërprerë, në mënyrë që të hënën në mëngjes kur nis dhe mësimi, të jenë pastruar të gjitha”.
Aksioni për largimin e kioskave, pranë shkollave të qytetit dhe atyre në fshatrat përreth po vazhdon edhe në shumë bashki të vendit.
