TIRANË, 23 shkurt/ATSH/- Efektivët e batalionit të Xhenios të Forcave të Armatosura të Shqipërisë po vazhdojnë punën edhe këtë fundjavë për ndërtimin e urës në Voskopojë, Korçë, pavarësisht reshjeve të dëborës
Ministrja e Mbrojtjes, Olta Xhaçka, theksoi se “ura që pritet të përfundojë javën e ardhshme u vjen në ndihmë më shumë se 1 mijë banorëve e njëkohësisht lehtëson lëvizjen e 50 mijë turistëve që vizitojnë çdo vit këtë zonë turistike”.
“Për shumë vite, banorë e turistë kalonin mbi urën 350 vjeçare, monument kulture i kategorisë së parë që rrezikonte shembjen”, shprehet Xhaçka.
Voskopoja mbetet një nga qendrat më të rëndësishme kulturore, artistike e historike të Ballkanit, një perlë e kulturës Ballkanike dhe Europiane. E veçanta e Voskopojës, janë objektet e kultit. Voskopoja gjithashtu ruan dhe potencialin e saj turistik. Fshati, i cili ka të ndërthurur vlerat historike, kulturore dhe bukuritë natyrore, tërheq vizitorët të shumtë vendas dhe të huaj./k.s/j.p/
