TIRANË, 1 shtator/ATSH-Maela Marini/ – Një projekt i rëndësishëm do të nisë të zbatohet nga vjeshta e këtij viti për përmirësimin e ndjeshëm të situatës së furnizimit me ujë në gjithë zonën bregdetare të jugut.
Kështu njoftoi sot nga Vlora, Kryeministri Edi Rama, duke folur për një sërë ndërhyrjesh në ujësjellësa e kanalizime në gjithë zonën bregdetare të Jonit.
“Këto që u bënë mirë janë për nxitje që gjërat duhen bërë shumë më mirë akoma. Duhet të fillojmë menjëherë investimin për t’i dhënë fund dramës dhjetravjeçare të derdhjes së ujërave të zeza në det”, tha Rama./e.caushi/
