TIRANË, 29 shtator /ATSH/ Banka e Shqipërisë bëri të ditur se për muajin gusht kredia e re për ekonominë shënoi vlerën 29.2 miliardë lekë.
Krahasuar me të njëjtën periudhë një vit më parë, ky tregues shënoi rritje me 6.6 %.
Rritja më e madhe e kredisë rezultoi në segmentin e individëve dhe korporatave.
Kredia e re për muajin gusht u rrit paralelisht si për bizneset, me 7.5 %, ashtu edhe për individët, me 5.5 % më shumë krahasuar me të njëjtën periudhë të vitit të kaluar.
Për të gjithë 8-mujorin e vitit, vlera e kredisë së re të dhënë nga sektori bankar arriti në 191.2 miliardë lekë, në rritje me 1.7 % krahasuar me të njëjtën periudhë të një viti më parë, bëri të ditur BSH-ja.
/r.e/
