PRISHTINË, 02 nëntor /ATSH/ Zhvillimi i lidhjeve hekurudhore ndërmjet Kosovës dhe Shqipërisë ishte në fokus të takimit të ministrit të Infrastrukturës dhe Transportit, Dimal Basha, me drejtorin e Agjencisë Franceze për Zhvillim (AFD) për Ballkanin Perëndimor, Arnaud Dauphin.
Gjatë takimit, palët diskutuan për mundësitë e thellimit të bashkëpunimit në projektet hekurudhore, si dhe për avancimin e bashkëpunimit trepalësh ndërmjet Kosovës, Shqipërisë dhe AFD-së.
Sipas njoftimit, bashkëpunimi synon zhvillimin e infrastrukturës dhe lidhjeve hekurudhore ndërmjet dy vendeve, lehtësimin e transportit dhe forcimin e zhvillimit ekonomik rajonal.
/KosovaPress/
