TIRANË, 25 dhjetor/ATSH/ Të ardhurat e mbledhura nga tatimi mbi fitimin u realizuan në masën 51,2 miliardë lekë.
Sipas raportit të publikuar nga Ministria e Financave mbi treguesit fiskalë paraprakë, këto të ardhura rezultojnë rreth 6 miliardë lekë më pak se 11-mujori 2023, kur u mblodhën rreth 57 miliardë lekë
Për vitin 2025, të ardhurat nga tatimi mbi fitimin programohen të jenë 6 miliardë lekë, ose 10.1% më shumë, krahasuar me të pritshmin e vitit 2024.
Ministria e Financave bën të ditur se parashikimi i tatimit mbi fitimin korporativ për vitin 2025 bazohet në të ardhura nga mirëadministrimi, të ardhura shtesë nga Strategjia Afatmesme e të Ardhurave për vitin 2025, si dhe forcimi i kontrollit të deklaratave, bazuar në kriteret e riskut.
/a.f/
