TIRANË, 5 tetor /ATSH/ 23 oficerëve, prej të cilëve 20 nga Policia e Shtetit dhe 3 nga Drejtoria e Burgjeve, përfunduan me sukses kursin e 7-të të Hetimit të Krimit.
Këtë javë, misioni i Departamentit të Drejtësisë i SHBA, Programi Ndërkombëtar i Ndihmës për Trajnimin për Hetimet Penale (ICITAP) në Tiranë, iu bashkua Akademisë Shqiptare të Sigurisë dhe Policisë së Shtetit për të shënuar këtë diplomim, njoftoi sot Ambasada e Shteteve të Bashkuara të Amerikës në Tiranë.
Ky trajnim i specializuar është pjesë e një nisme të ICITAP që synon të forcojë dhe të çojë më tej aftësitë e oficerëve të Policisë Gjyqësore dhe të gjithë personelit të zbatimit të ligjit të përfshirë në hetimin e krimit, në të gjitha nivelet sipas standardeve kombëtare të pranuara.
Që nga viti 2005, ICITAP ka pasur një partneritet të qëndrueshëm me Akademinë e Sigurisë duke kontribuar në trajnimin dhe zhvillimin profesional të Policisë së Shtetit.
/a.f/
