TIRANË, 21 maj /ATSH/ Efektivët e Policisë Ushtarake u trajnuan nga Carabinieria Italiane për drejtimin dhe mirëmbajtjen e mjeteve të blinduara tip Iveco Lince.
Ministri i Mbrojtjes, Niko Peleshi ndau sot foto nga ky trajnim, teksa theksoi se, modernizimi i Policisë Ushtarake me mjete të blinduara tip Iveco Lince kërkon edhe njohuri për drejtimin dhe mirëmbajtjen e tyre.
Efektivët e Policisë Ushtarake u trajnuan nga kolegët e tyre të Carabinierisë Italiane, jo vetëm për drejtimin e këtyre mjeteve të rënda në terrene të vështira, por mbi të gjitha duke simuluar difekte gjatë operacioneve, nënvizoi Peleshi.
