TIRANË, 28 prill/ATSH – I. Vata/ Kryetari i Partisë Demokratike, Enkelejd Alibeaj publikoi foto nga takimi me demokratët në Shkodër, në prezantimin e kandidatëve për këshillin bashkiak.
Në një postim në rrjetet sociale, Alibeaj shkruan se, PD është në rrugën pa kthim për të qenë parti e vlerave perëndimore si alternativë e djathtë.
“Me demokratët e Shkodrës për të vazhduar në rrugën tonë të drejtë. Atë të një Partie Demokratike perëndimore, të vlerave të lirisë dhe demokracisë. Parti e cila pa dyshim do të jetë nesër alternativa e djathtë qeverisëse. Një e djathtë moderne dhe e çliruar nga e mëkatet e së shkuarës. Zgjedhjet e 14 majit janë guri i themelit i kësaj rrugë pa kthim.”, shkruan ai.
/r.e/
