TIRANË, 20 tetor/ATSH/ Ministrja e Shtetit për Marrëdhëniet me Parlamentin, Elisa Spiropali deklaroi sot se asnjë spiun i regjimit komunist nuk do të mund të jetë në sallën e Kuvendit dhe as në hierarkinë më të lartë të shtetit.
Duke marrë fjalën në seancën plenare të Kuvendit, teksa po diskutohej “Ligji i Dosjeve”, Spiropali theksoi se Komisioni Mezini-Bezhani nuk punoi për të zbardhur dosjet, por i përdorën dosjet si shantazh për “shokët e partisë” apo kundërshtarët politikë.
“Në 2015-ën ishte kjo forcë politike që e votoi krijimin e Autoritetit të Dosjeve, që nuk reshti jo vetëm së kërkuari ndjesë, por edhe të ecuri përpara e të demokratizimit të shoqërisë”, tha ajo.
/r.e/
