TIRANË, 2 prill/ATSH/ Moti i keq me reshje shiu dhe dëbore ka përfshirë vendin në 48 orët e fundit, ndërsa Autoriteti Rrugor informon se akset rrugore janë të kalueshme.
ARRSH bën të ditur se pas Kukësit dhe Thethit kanë filluar reshjet e borës edhe në Dardhë.
“Kanë filluar reshjet e dëborës edhe në Dardhë në lartësinë mbi 1300 m. Kontraktori i mirëmbajtjes me mjetet borëpastruese ka bërë pastrimin e aksit dhe shpërndarjen e kripës. Qarkullimi kryhet pa problem”, deklaroi ARRSH.
ARRSH apeloi drejtuesit e mjeteve të bëjnë kujdes në lëvizje, të respektojnë sinjalistikën rrugore dhe të reduktojnë shpejtësinë për shkak të lagështisë në rrugë.
