TIRANË, 25 janar /ATSH/ Autoriteti Rrugor Shqiptar njoftoi sot mbi situatën e motit në vend dhe qarkullimin në akset rrugore.
ARRSH bën të ditur se, “gjatë natës ka pasur temperatura nën 0°C në të gjithë vendin, në zonat malore kanë arritur deri në -20°C pa krijuar probleme me qarkullimin e mjeteve”.
Gjithashtu ARRSH thekson se, “kontraktorët me mjetet borëpastruese kanë qenë në terren kanë bërë shpërndarjen e kripës në të gjitha akset nacionale për të evituar ngricat”.
“Në akset Qafë-Thore – Theth dhe Kukës – Shishtavec qarkullimi bëhet me zinxhirë, po punohet për pastrimin nga dëbora”, informon ARRSH.
“Drejtuesit e mjeteve, duhet të bëjnë kujdes në lëvizje, të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, apelon ARRSH.
/a.a/r.e/
