TIRANË, 28 shtator/ATSH/ Autoriteti Portual Durrës ka shpallur tenderin për rikonceptimin dhe realizimin dixhital, të sistemit të mbrojtjes kundra zjarrit për sallën qendrore të serverave.
Fondi i vënë në dispozicion të projektit është 7.9 milionë lekë. Afati kohor për ekzekutim është 60 ditë nga nënshkrimi i kontratës me subjektin fitues.
Për të provuar kapacitetet financiare dhe ekonomike operatorët ekonomikë duhet të paraqesin vërtetim për xhiron vjetore për vitet financiare 2018, 2019, 2020, ku vlera e xhiros vjetore për të paktën një nga vitet e periudhës së kërkuar nuk duhet të jetë më e vogël se 40 % e vlerës së përllogaritur të fondit limit.
Po ashtu, operatori ekonomik duhet të paraqesë dëshmi për furnizimet e mëparshme, të ngjashme me objektin e prokurimit, të kryera gjatë tre viteve të fundit (2018, 2019, 2020), në një vlerë jo më pak se 20 % i vlerës së përllogaritur të kontratës, nga data e shpalljes së njoftimit të kontratës.
/a.a/r.e/
