KABUL, 30 gusht /ATSH/DPA/ – Disa raketa u lëshuan sot herët në mëngjes drejt aeroportit të Kabulit, njoftoi transmetuesi lokal ToloNews, duke cituar dëshmitarët.
Sipas raportit, raketat u lëshuan nga Chairchanah, në veri të Kabulit.
CNN raportoi të paktën pesë raketa të lëshuara drejt aeroportit, duke cituar zyrtarë të qeverisë amerikane.
Nuk ka ende informacion për viktima ose dëme të mundshme.
Videot e shpërndara në mediet sociale treguan një makinë të djegur, me sa duket e goditur nga njëra prej raketave.
Nuk ishte e mundur të verifikohej nëse raketat ishin lëshuar nga automjeti.
Incidenti vjen mes tensioneve të vazhdueshme të larta gjatë një tërheqjeje kaotike të Perëndimit nga rajoni, plus pyetjeve të vazhdueshme në lidhje me të ardhmen politike të vendit./ /ervo/
