SEUL, 30 gusht /ATSH-DPA/ – Koreja e Veriut duket se ka rifilluar operimn e një reaktori në vendin e diskutueshëm bërthamor Yongbyon, tha Agjencia Ndërkombëtare e Energjisë Atomike (IAEA).
Reaktori i vogël ka një kapacitet prej vetëm 5 megavat, por është në gjendje të furnizojë plutonium për të prodhuar bomba bërthamore.
“Nuk kishte indikacione për funksionimin e reaktorit nga fillimi i dhjetorit 2018 deri në fillim të korrikut 2021”, sipas një raporti të IAEA-s mbi zhvillimet në Korenë e Veriut që nga shtatori 2020.
“Sidoqoftë, që nga fillimi i korrikut 2021, ka pasur të dhëna në përputhje me funksionimin e reaktorit”, thuhet në raport.
Koreja e Jugut nuk i konfirmoi fillimisht komentet e IAEA -s mbi reaktorin.
Seuli po monitoron aktivitetet bërthamore dhe raketore të Koresë së Veriut në bashkëpunim të ngushtë me SHBA-së, sipas një zëdhënësi të Ministrisë së Unifikimit./ /ervo/
