UASHINGTON, 3 qershor /ATSH-AFP/ – Uashingtoni njoftoi se 75% e 80 milionë dozave të vaksinave antiCOVID-19, të premtuara nga SHBA për vendet e huaja deri në fund të qershorit, do të shpërndahen përmes COVAX.
“Sot, qeveria shpalli kornizën për ndarjen e këtyre 80 milionë dozave amerikane në të gjithë botën”, tha Shtëpia e Bardhë në një deklaratë.
“Të paktën tre të katërtat e dozave të dhëna do të ndahen përmes COVAX”, shtoi ajo.
Kjo përfaqëson një total prej 60 milionë dozash të shpërndara përmes këtij sistemi të ngritur për të siguruar shpërndarje të drejtë të vaksinave, veçanërisht në vendet me të ardhura të ulëta.
Pjesa e mbetur, 25% (20 milionë doza) do të jetë për vendet në nevojë, ato që po përballen me shpërthime të epidemisë, për fqinjët e SHBA-së./ /ervo/
