TIRANË, 18 maj /ATSH/ Tregu i fondeve të investimit u zgjerua në tremujorin e parë të këtij viti.
Të dhënat nga Autoriteti i Mbikëqyrjes Financiare tregojnë se asetet neto në mesin e këtij viti kishin vlerën e 69.05 miliardë lekëve, ose 2.4 % më shumë krahasuar me fundin e vitit 2020.
Me bazë vjetore, rritja e tregut është lehtësisht më e lartë, me rreth 3.1 %.
Ndërkohë gjatë vitit 2020, vlera e aseteve neto të fondeve shënoi një rritje në përmasa të papërfillshme. Veç një interesi më të pakët të investitorëve për të blerë kuota, ecuria e dobët u ndikua edhe nga kthimet negative të fondeve të investimit në euro, që ushtruan një efekt tkurrës në aktivet neto të këtyre fondeve.
/r.e/
