TIRANË, 11 mars/ATSH/ 3.1 % e ndërmarrjeve të vogla dhe të mesme eksportuan mallra gjatë vitit 2019 nga 2.5 % që eksportuan në vitin 2018.
Instituti i Statistikave (INSTAT) publikoi statistikat mbi ndërmarrjet e vogla dhe të mesme gjatë vitit 2019.
Sipas INSTAT, vlera e eksporteve të mallrave të ndërmarrjve të vogla dhe të mesme përbën 59.4 % të vlerës së eksporteve gjithsej. Për ndërmarrjet e vogla dhe të mesme, sektori me përqindjen më të lartë të ndërmarrjeve eksportuese është industria nxjerrëse me 23.7 %.
Ndërkohë me rritje rezulton edhe numri i ndërmarrjve të vogla dhe të mesme që importuan.
Sipas INSTAT, 10.8 % e ndërmarrjeve të vogla dhe të mesme janë importuese gjatë 2019-s nga 8.8 % që ishin në 2018, të cilat përbënë 78 % të vlerës së importeve të mallrave për 2019.
Për ndërmarrjet e vogla dhe të mesme, sektori me përqindjen më të lartë të numrit të ndërmarrjeve importuese është sektori i industrisë nxjerrëse me 24.2 %.
/r.e/
