NJU JORK, 30 janar /ATSH-ANSA/ – Nju Jorku pa makina është plani i kryebashkiakut Bill de Blasio për vitin e fundit të mandatit të tij.
Vizioni i kryebashkiakut të Nju Jorkut është të transformojë rrugët duke u dhënë më shumë hapësirë këmbësorëve dhe çiklistëve dhe të kufizojë lëvizjen e makinave në vend.
Tri pikat kryesore të revolucionit kundër automjetit me katër rrota ”Bridges for the People” (”Ura për njerëzit”) do të pasqyrohen me me ndërtimin e rrugëve të dedikuara për biçikletat përgjatë karrexhatave të makinave në urat ”Brooklyn” dhe ”Queensboro”.
Shëtitorja aktuale e përbashkët për çiklistët dhe këmbësorët do t’i kushtohet tashmë vetëm këtyre të fundit.
De Blasio këmbëngul që programi i tij duhet të jetë i përhershëm.
Mbyllja e rrugëve për trafikun për të lejuar restorantet për të akomoduar klientët jashtë gjatë pandemisë do të lejohet gjatë gjithë vitit duke sjellë kështu Nju Jorkun më afër modeleve europiane. /os/
